„ტრამპით იმედგაცრუებული ვერ ვიქნები, ის ჩემი პატარძალი არ არის და არც მევ ვარ მისი პატარძალი ან სასიძო“, – ასე უპასუხა რუსეთის პრეზიდენეტმა ჟურნალისტს, რომელმაც ვლადიმირ პუტინს ჰკითხა, რამდენად კმაყოფილია ის დონალდ ტრამპთან ურთიერობებით .
„თქვენი კითხვა მიამიტურად ჟღერს, რადგან ჩვენ, მეც და ტრამპიც სახელმწიფოებრივი საქმეებით ვათ დაკავებულები. ორივე ვხელმძღვანელობთ ჩვენი სახელმწიფოს ინტერესებიდან გამომდინარე”, – განაცხადა რუსეთის პრეზიდენტმა.
რუსეთის ლიდერმა პრესკონფერენცია პეკინში გამართა, სადაც ის BRICS-ის წევრი სახელმწიფოების ლიდერების სამიტში მონაწილობდა. ჟურნალისტებთან საუბრისას, პუტინმა განაცხადა, რომ მოსკოვი იტოვებს უფლებას, რუსეთში მომუშავე აშშ-ის დიპლომატების რიცხვი კიდევ შეამციროს. საუბარია კიდევ 155 ადამიანზე.
მანამდე პუტინის გადაწყვეტილებით, რუსეთში მდებარე აშშ-ის საელჩოს თანამშრომელთა როდენობა 455-მდე შემცირდა.
„რუსეთში მუშაობდა 1300 ამერიკელი დიპლომატი, ხოლო აშშ-ში 455 რუსი. ამასთან, რუსეთმა 455 ადამიანში შეიყვანა 155 დიპლომატი, რომელიც რეალურად გაერო-ს თანამშრომელია. ამიტომ, თუ ნამდვილ პარიტეტზეა საუბარი, მაშინ ეს არის 455-ს მინუს 155. ჩვენ ვიტოვებთ უფლებას ამ რაოდენობის ამერიკელი დიპლომატების შესახებ გადაწყვტილება მივიღოთ, თუმცა ჯერ ამას არ გავაკეთებთ, ვნახოთ, როგორ განვითარდება მოვლენები“ – განაცხადა რუსეთის ლიდერმა.
რუსეთის პრეზიდენტმა ასევე განაცხადა, რომ მოსკოვი აუცილებლად მიმართავს ამერიკულ სასამართლოს და რუსეთის დიპლომატიური ობიეტქების ჩამორთმევას გაასაჩივრებს.
