საქართველოს საგარეო საქმეთა სამინისტროს ინფორმაციით, თურქეთის ქალაქ ტრაპიზონში მომხდარი ავტოსაგზაო შემთხვევისას დაღუპული საქართველოს მოქალაქის ცხედარი სამშობლოში უკვე გადმოასვენეს.
რაც შეეხება ხუთ დაშავებულს, საგარეო უწყების ცნობით, გენერალური საკონსულოს წარმომადგენლებმა მოინახულეს ყველა დაშავებული მოქალაქე და მიიღეს მათი ჯანმრთელობის მდგომარეობის შესახებ დეტალური ინფორმაცია.
„ტრაპიზონში საქართველოს გენერალური საკონსულო ინფორმირებულია აღნიშნული შემთხვევის შესახებ. დაშავებული ექვსი მოქალაქიდან, ერთი გარდაიცვალა და ის უკვე გადმოსვენებულია სამშობლოში, დანარჩენი ხუთი მკურნალობის კურსს გადის სხვადასხვა კლინიკებში.
გენერალური საკონსულოს წარმომადგენლებმა მოინახულეს ყველა დაშავებული მოქალაქე და მიიღეს მათი ჯანმრთელობის მდგომარეობის შესახებ დეტალური ინფორმაცია.
ტრაპზონში გენერალური საკონსულო მუდმივ კონტაქტზეა როგორც დაშავებულების ოჯახის წევრებთან, ასევე მათ მკურნალ ექიმებთან“, – განუცხადეს საქართველოს პირველ არხს საგარეო უწყებაში.
ტრაპიზონში ავტოსაგზაო შემთხვევა რამდენიმე საათის წინ მოხდა. ავარიაში მოყვა მიკროავტობუსი, რომელშიც საქართველოს მოქალაქეები ისხდნენ. ამასთან, აჭარის მთავრობის ცნობით, ადგილზე გაემგზავრა აჭარის ჯანდაცვის მინისტრი ნინო ნიჟარაძე.
