უმაღლეს სასწავლებლებში არსებული სიტუაციების გამო „ერთიანი ნაციონალური მოძრაობა“ განათლების მინისტრს უმაღლეს საკანონმდებლო ორგანოში იბარებს. უმცირესობაში ფიქრობენ, რომ მინისტრმა დეპუტატებს დეტალური ინფორმაცია უნდა მიაწოდოს.
უმცირესობის წარმომადგენლებისთვის საინტერესოა თამარ სანიკიძის პირადი აზრი. მმართველი გუნდი კი მინისტრის პარლამენტში გამოცხადების საჭიროებას ვერ ხედავს.
„თამარ სანიკიძე არ არის ის პიროვნება, რომ კომუნიკაციას გაურბოდეს, ან პარლამენტში მოსვლის ერიდებოდეს, მაგრამ ჩვენ ჯერჯერობით არ ვთვლით, რომ ეს ასეთ მასშტაბში უნდა გადავიდეს და ვრიდებით, რათა ამ საკითვის პოლიტიზირება არ მოხდეს. ამიტომ, ველოდებით რომ ეს საკითხები შიგნით გაირკვევა. აქ ოპოზიციამ რა უნდა გააკეთოს გარდა იმისა, რომ წინასაარჩევნოდ ხმა აიმაღლოს?!“, – აცხადებს ნუკრი ქანთარია.
