„სვეტის” დაზარალებულმა მენაშენეებმა კომპანიის ოფისი დაიკავეს. მათ ზარალის ანაზღაურების მოთხოვნით შიმშილობა დაიწყეს.
მენაშენეებმა კომპანია „სვეტის” ოფისში მისვლამდე პროკურატურასთან გამართეს აქცია და კომპანიის წინააღმდეგ დანაშაულის გამოვლენა, მათი დასჯა და კუთვნილი თანხის დაბრუნება მოითხოვეს.
1000-ზე მეტი დაზარალებული კომპანიას 300 მილიონ ლარზე მეტ თანხას ედავება.
კომპანია “სვეტს” თბილისში ოთხი, ბათუმში კი ერთი დაუმთავრებელი შენობა აქვს.
