სრულად მაჟორიტარული სისტემის ამოქმედების მიზნით, საკონსტიტუციო ცვლილების ინიცირებისთვის მაჟორიტარი დეპუტატები ხელმოწერების შეგროვებას იწყებენ. განცხადება უმრავლესობის წევრმა დიმიტრი ხუნდაძემ გააკეთა.
მისი ინფორმაციით, მაჟორიტარი დეპუტატები აპირებენ, 200 ათასი ხელმოწერა შეაგროვონ, რათა კონსტიტუციური პროექტის ინიცირება მოხდეს.
საკონსტიტუციო ცვლილებების სჭირდება 76 დეპუტატის ინიცირება ან 200 ათასი მოქალაქის ხელმოწერა.
მაჟორიტარ დეპუტატთა ჯგუფი გუშინ ინიციატივით გამოვიდა, ქვეყანა სრულად მაჟორიტარულ სისტემაზე გადავიდეს.
