შვედეთის პრემიერმინისტრმა, მაგდალენა ანდერსონმა აღნიშნა, რომ შვედეთის NATO-ში გაწევრიანებასთან დაკავშირებით თურქეთთან მოლაპარაკებები გაგრძელდება.
“ჩვენ გვქონდა დისკუსიები, დიალოგი თურქეთთან და ეს დიალოგი გაგრძელდება. თურქეთთან შემდგომ კონსტრუქციულ შეხვედრებს მოუთმენლად ველი.
თურქეთის შეკითხვებსა და მოთხოვნებს პირდაპირ ვუპასუხებთ. ასევე, რა თქმა უნდა, მოვაგვარებთ ნებისმიერ საკითხს ან გაუგებრობას, რომელიც შეიძლება, წარმოიშვას”. – თქვა ანდერსონმა სტოკჰოლმში გამართულ პრესკონფერენციაზე.
