შინაგან საქმეთა სამინისტრომ ბიზნესმენისთვის ფულის გამოძალვის ფაქტზე 1 პირი დააკავა. შემთხვევა ვალეში მოხდა, სადაც ჩატარებული საგამოძიებო მოქმედებების შედეგად დადგინდა, რომ ბიზნესმენისთვის ფულის გამოძალვას მისი ყოფილი მძღოლი მუქარით ცდილობდა.
შსს-ს ცნობით, დაკავებული ფლობდა ინფორმაციას ბიზნესმენის ოჯახის წევრების შესახებ და სწორედ მათი სიცოცხლის მოსპობით ემუქრებოდა ბიზნესმენს. ის 50 ათას ლარს ითხოვდა.
გამოძიება დიდი ოდენობით ქონების მიღების მიზნით გამოძალვის მუხლით მიმდინარეობს.