შეშფოთების მიზეზია ბოლო მოვლენები, მათ შორის, მთავარი ოპოზიციური პარტიის ლიდერის დაკავება

შეშფოთების მიზეზია ბოლო მოვლენები, მათ შორის, მთავარი ოპოზიციური პარტიის ლიდერის დაკავება, გვსურს, ეს დავა გადაწყდეს და საქართველოს ჰქონდეს ქმედითი პარლამენტი, – ამის შესახებ ნატო-ს გენერალურმა მდივანმა, იენს სტოლტენბერგმა საქართველოს პრემიერ-მინისტრ ირაკლი ღარიბაშვილთან ერთობლივ პრესკონფერენციაზე განაცხადა.

სტოლტენბერგმა უპასუხა შეკითხვას საქართველოში არსებულ პოლიტიკურ კრიზისთან დაკავშირებით და იმის თაობაზე, თუ როგორ აისახება ეს ნატო-ს მომავალი წევრობისკენ გზაზე.

„ნატო არის ალიანსი, რომელიც მთავარ ღირებულებებს ეფუძნება. ესენია კანონის უზენაესობა, დემოკრატია, თავისუფლება. ეს ღირებულებები მნიშვნელოვნია ნატო-ს ყველა წევრისთვის. სწორედ ამიტომ მივესალმებით საქართვლოს ძალისხმევას და პროგრესს, რომელსაც ამ ქვეყანამ მიაღწია. როდესაც ეს ეხება დემოკრატიული ინსტიტუტების გამტკიცებას, რეფორმების ამოქმედებას და სხვადასხვა ინსტიტუტების მოდერნიზაციას, მათ შორის, თავდაცვისა და უსაფრთხოების სექტორში და ასევე, მართლმსაჯულების სფეროში, რაც ბოლო წლებში მოხდა. ნატო და ალიანსის წევრები ამ ძალისხმევას წლებია, მხარს უჭერენ. ეს არის ასევე ნატო-ს წევრების შეშფოთების მიზეზი ბოლო პერიოდში განვითარებული მოვლენების გამო. მათ შორის, მთავარი ოპოზიციური პარტიის ლიდერის დაკავება. ჩვენ გვსურს, ვიხილოთ, რომ ეს დავა და სირთულეები გადაწყდება და შემდეგ გამოინახება გზა, რომ საქართველომ განაგრძოს რეფორმების ამოქმედება და მას ჰქონდეს ქმედითი პარლამენტი. ჩვენ ასევე მხარს ვუჭერთ ევროკავშირის მედიაციის ძალისხმევას და ეს საკითხი ასევე განვიხილეთ შეხვედრაზე პრემიერ-მინისტრთან. ასევე, ამ საკითხს ნატო-ს წევრი ქვეყნების წარმომადგენლებიც წამოწევენ დღეს, მოგვიანებით დაგეგმილ შეხვედრებზე“, – განაცხადა იენს სტოლტენბერგმა.

ვირუსის ბლოკატორები
წინა სტატიაში“ხელი შევუწყოთ დემოკრატიას საქართველოში” – 23 მარტს აშშ-ში სენატორების დებატები ჩაინიშნა
შემდეგი სტატიაანდრიუს კუბილიუსი: ძალიან შეშფოთებულები ვართ, ხანგრძლივი კრიზისია