შავი ზღვის უნივერსიტეტის ახალი კამპუსის დასათვალიერებლად დღეს მედიატური გაიმართება. ჟურნალისტებს იმ ინფრასტრუქტურის ნახვის შესაძლებლობა მიეცემათ, რომელიც უნივერსიტეტის ირგვლივ ბოლო დროს განვითარებული მოვლენების გამო ფუნქციონირებას ვერ იწყებს.
როგორც ცნობილია, შავი ზღვის საერთაშორისო უნივერსიტეტის საქმეზე მორიგი პროცესი 22 ოქტომბერს გაიმართება. იბსუ-ს ადმინისტრაცია იმედს გამოთქვამს, რომ სხვა პრობლემებთან ერთად ყადაღის საკითხიც მოგვარდება, რადგან დავალიანება უკვე სრულად დაფარულია.
