თბილისის საქალაქო სასამართლომ ანასტასია შატალოვას მკვლელობის საქმეზე ბრალდებულ სამ პირს, ბექა ლატარიას, ბიძინა ხასიასა და ლევან რაჯაევს აღკვეთის ღონისძიების სახედ პატიმრობა შეუფარდა.
მკვლელობაში ბრალდებული ბექა ლატარიას ბრალი წარედგინა სამი მუხლით – განზრახ მკვლელობა, ცეცხლსასროლი იარაღის უკანონოდ შეძენა-შენახვა-ტარება და განსაკუთრებით დიდი ოდენობით ნარკოტიკული საშუალების შეძენა-შენახვა-მოხმარება. ლატარია ლატარია ბრალს არ აღიარებს.
ამასთან, მის მეგობარს ბიძინა ხასიას გამოძიება განსაკუთრებით მძიმე დანაშაულის დაფარვას, პოლიციისთვის წინააღმდეგობის გაწევასა და საბრძოლო მასალის უკანონოდ შეძენა-შენახვას ედავება.
რაც შეეხება ლევან რაჯაევს, რომლის სახლშიც დააკავეს ბიძინა ხასია, მას გამოძიება პოლიციისთვის წინააღმდეგობის გაწევას და ნარკოტიკული საშუალებების შეძენა-შენახვას ედავება. რაჯაევი ბრალდებას დაკავებული არ აღიარებს.
