შაქარაშვილის საქმეზე ბრალდებული 11-ვე პირი ისევ პატიმრობაში დატოვეს

region
ავტ.: region სექტემბერი 14, 2020 17:05

შაქარაშვილის საქმეზე ბრალდებული 11-ვე პირი ისევ პატიმრობაში დატოვეს

მცხეთის რაიონულმა სასამართლომ გიორგი შაქარაშვილის საქმეზე დაკავებული 11 პირი ისევ პატიმრობაში დატოვა.

დაცვის მხარე დაკავებულებისთვის აღკვეთის ღონისძიების – პატიმრობის გაუქმებასა და გირაოთი ჩანაცვლებას ითხოვდა, თუმცა მოსამართლემ აღნიშნული შუამდგომლობა არ დააკმაყოფილა. საუბარია 5 000 და 10 000-ლარიან გირაოზე.

რაც შეეხება ბრალდების მხარეს, პროკურორი აღკვეთის ღონისძიების სახით პატიმრობის ძალაში დატოვებას ითხოვდა. მოსამართლემ ბრალდების მხარის პოზიცია გაიზიარა.

აღსანიშნავია, რომ 11-ვე ბრალდებული დუმილის უფლებას იყენებს და ბრალს არ აღიარებს.

შეგახსენებთ, დაკავებულებს ძალადობას, ჯგუფური ძალადობის ორგანიზებას, მასში მონაწილეობას, თავისუფლების უკანონო აღკვეთასა და სხეულის მსუბუქ დაზიანებას ედავებიან.

region
ავტ.: region სექტემბერი 14, 2020 17:05