აშშ-ს სახელმწიფო დეპარტამენტის ყოფილმა მაღალჩინოსანმა, დიპლომატმა მეთიუ ბრაიზამ ჟურნალისტისა და ბლოგერის ეგორ კუროპტევის საავტორო გადაცემაში Пограничная ZONA განაცხადა, რომ საქართველოს შიდაპოლიტიკურ ვითარებაში სრული დომხალი – “ბარდაკია”.
“ამჟამად საქართველოს შიდაპოლიტიკურ ვვითარებაში “ბარდაკია”. გენერალი ჰოჯესი ახსენებდა, რომ ქვეყანაში უნდა იყოს მიმზიდველი საინვესტიციო გარემო, მაგრამ როცა ასეთი არასტაბილურობაა, არაპროგნოზირებადი სიტუაციაა, ეს საქართველოს საწინააღმდეგოდ მეტყველებს”, – თქვა მეთიუ ბრაზამ.
მეთიუ ბრაიზამ ასევე ამბობს, რომ შიდა პოლიტიკური პროცესის მოსაგვარებლად, დრო უნდა მიეცეთ ამერიკისა და ევროკავშირის ელჩებს.
“ახლა ჩვენ უნდა მივცეთ დრო ელჩ დეგნანსა და ევროკავშირის წარმომადგენლობის ელჩს, რომ წარმატებით გააგრძელონ შუამავლობა ხელისუფლებასა და პოლიტიკურ ოპოზიციას შორის. როცა მე ვაშინგტონში, პოლიტიკურ თანამდებობაზე ვიყავი, ეს ძალიან რთული საქმე იყო. სულ გადაფრენები მქონდა, მიმოსვლა, რათა დაპირისპირებულთა პოზიციები დამეახლოვებინა. ამიტომაც მიმაჩნია, რომ დეგნანს დრო სჭირდება. ასე სამუდამოდ ვერ გაგრძელდება და, მე ვფიქრობ, რომ საბოლოოდ შედეგსაც გამოიღებს, – თქვა მეთიუ ბრაიზამ.