საპენსიო რეფორმა -მმართველი გუნდის მორიგი წყალგამყოფი – ნაცვლიშვილი მხარდაჭერის არ მიღების შემთხვევაში უმრავლესობის დატოვებას აანონსებს

თაიმერი timer.ge
: თაიმერი timer.ge თებერვალი 11, 2019 13:16

საპენსიო რეფორმა -მმართველი გუნდის მორიგი წყალგამყოფი – ნაცვლიშვილი მხარდაჭერის არ მიღების შემთხვევაში უმრავლესობის დატოვებას აანონსებს

საპენსიო რეფორმასთან დაკავშირებით პრინციპულ საკითხებზე შეუთანხმებლობის შემთხვევაში საპარლამენტო უმრავლესობის წევრი, ბექა ნაცვლიშვილი გუნდიდან წასვლას აანონსებს.

პარლამენტის ფრაქცია „ქართული ოცნება – სოციალ-დემოკრატების“ თავმჯდომარის მოადგილე, ბექა ნაცვლიშვილი ამბობს, რომ ბოლო ორი წლის განმავლობაში საპენსიო რეფორმა ყველაზე დიდი საკანონმდებლო ცვლილებაა.

სწორედ ამის გამო დეპუტატი ითხოვს, სოლიდარობის პრინციპზე დაფუძნებული რეფორმა ამუშავდეს. ნაცვლიშვილის ინიციატივას დარგობრივი ეკონომიკისა და ეკონომიკური პოლიტიკის კომიტეტის სხდომაზე განიხილავენ.

„მიზანი არ არის ამ შემთხვევაში რაიმე რადიკალური ნაბიჯის გადადგმა. უბრალოდ ეს არის მართლა ჩემი გადმოსახედიდან უნიკალური შანსი, რომ დიამეტრულად შეიცვალოს სოციალური პოლიტიკა ქვეყანაში. ამიტომ, მე თუ მხარდაჭერა არ მექნება ამ შემთხვევაში გუნდის მხრიდან, ე.ი. ცხადია განსხვავებები რომელიც არსებობს. იმიტომ, რომ ეს არ არის პატარა მასშტაბის რეფორმა, ეს არის ყველაზე დიდი რეფორმა და ყველაზე დიდი საკანონმდებლო ცვლილება, რომელიც ამ ორი წლის განმავლობაში ადგილი ჰქონდა საქართველოს პარლამენტში. ამიტომ განსხვავებებიც არის ძალიან დიდი და აქედან გამომდინარე, მე მივიღებ გადაწყვეტილებას – დავტოვო უმრავლესობა,“ – განაცხადა ნაცვლიშვილმა.

თაიმერი timer.ge
: თაიმერი timer.ge თებერვალი 11, 2019 13:16

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


4,714
ვიზიტორი
დღეში
Powered By Google Analytics