საქართველოს საპატრიარქოსა და გაერო-ს ბავშვთა ფონდს შორის დღეს, თანამშრომლობის მემორანდუმი გაფორმდება.
დოკუმენტს გაერო-ს ბავშვთა ფონდის წარმომადგენელი საქართველოში ლაილა ომარ გადი და სრულიად საქართველოს კათოლიკოს-პატრიარქის ქორეპისკოპოსი, ახალციხისა და ტაო-კლარჯეთის მიტროპოლიტი თეოდორე მოაწერენ ხელს.
საქართველოს საპატრიარქოსა და გაერო-ს ბავშვთა ფონდს შორის ურთიერთგაგების მემორანდუმის მიზანი თანამშრომლობის გაძლიერება და ბავშვთა უფლებების დაცვისთვის ერთობლივი ადვოკატირებაა.
საქართველოს ბავშვებებზე ძალადობის მაღალი დონე საქართველოში; მაღალი ტოლერანტობა ბავშვთა მიმართ ძალადობისადმი; დედათა სიკვდილიანობისა და მკვდრადშობადობის მაღალი მაჩვენებელი საქართველოში; ოჯახის მხარდამჭერ მომსახურებათა ნაკლებობა და სოციალური სამუშაოს ხარვეზები; შეზღუდული შესაძლებლობის მქონე ადამიანების მიმართ მაღალი სტიგმა – ის საკითხებია, რომლებზედაც საქართველოს საპატრიარქოსა და გაერო-ს ბავშვთა ფონდს შორის თანამშრომლობის ფარგლებში ყურადღება გამახვილდება.
