საპატრიარქოს იურისტის ედიშერ ქარჩავას განცხადებით, პატრიაქის მდივან-რეფერენტი შორენა თეთრუაშვილი დაკითხვაზე ჯერ არ დაუბარებიათ. ამის შესახებ ედიშერ ქარჩავამ საპატრიარქოსთან განაცხადა.
„არაფერი ახალი ინფორმაცია არ გვაქვს. დაკითხვაზე დაბარებული არ არის, არანაირი კომუნიკაცია არ ყოფილა”, – განაცხადა ქარჩავამ.
კითხვაზე – არის თუ არა მზად შორენა თეთრუაშვილი გამოძიებას ჩვენება მისცეს, იურისტმა აღნიშნა, რომ თეთრუაშვილი მზადაა, საგამოძიებო მოქმედებებში მონაწილეობა ნებისმიერ დროს მიიღოს.
„ჩვენ ყველაფრისთვის მზად ვართ, არ არის პრობლემა”, – აღნიშნა საპატროარქოს იურისტმა.
მაღალი იერარქიის სასულიერო პირის მკვლელობის მომზადების ბრალდებით დაკავებულ დეკანოზ გიორგი მამალაძის ადვოკატის მიხეილ რამიშვილის ინფრომაციით, დეკანოზს ბრალი არა სასულიერო პირის, არამედ პატრიარქის მდივან-რეფერანტის შორენა თეთრუაშვილის მკვლელობის მომზადებისთვის აქვს წარდგენილი.
საპატრიარქოს იურისტმა რამდენიმე დღის წინ განაცხადა, რომ აღნიშნულ საქმეზე პროკურატურა სავარაუდოდ, შორენა თეთრუაშვილსაც დაკითხავს.
