ჩემთვის იმედისმომცემია საქართველოს პრეზიდენტის პოზიცია, რომელმაც ხაზგასმით თქვა, რომ არანაირი წინაპირობა არ არსებობს, ეს პროცესი უნდა იყოს ღია და წინაპირობების გარეშე უნდა დაიწყოს, – ამის შესახებ ოპოზიციონერმა დეპუტატმა სალომე სამადაშვილმა განაცხადა.
„ალბათ, ამ ეტაპზე, მოლოდინზე საუბარი რთულია, რადგან „ქართული ოცნების“ გზავნილები მოვისმინეთ და ეს განცდას არ მიჩენს, რომ მათ ესმით ქვეყანაში მწვავე კრიზისის შესახებ და აქედან გამოსვლის გზა არის სწორედ მოლაპარაკებები“, – განაცხადა სალომე სამადაშვილმა.