სალომე ზურაბიშვილი : დღეს ისტორიული დღეა, რადგან 27 წლის დიპლომატიური ურთიერთობების შემდეგ, საქართველოში ჩამოვიდა კვიპროსის პრეზიდენტი

თაიმერი timer.ge
: თაიმერი timer.ge აპრილი 17, 2019 12:26

სალომე ზურაბიშვილი : დღეს ისტორიული დღეა, რადგან 27 წლის დიპლომატიური ურთიერთობების შემდეგ, საქართველოში ჩამოვიდა კვიპროსის პრეზიდენტი

დღეს ისტორიული დღეა, რადგან 27 წლის დიპლომატიური ურთიერთობების შემდეგ, საქართველოში ჩამოვიდა კვიპროსის პრეზიდენტი, – ამის შესახებ საქართველოს პრეზიდენტმა სალომე ზურაბიშვილმა კვიპროსის პრეზიდენტთან, ნიკოს ანასტასიადისთან გამართულ ერთობლივ პრესკონფერენციაზე განაცხადა. ზურაბიშვილმა თავის სიტყვაში საქართველოსა და კვიპროსს შორის ურთიერთობების გაღრმავების მნიშვნელობაზე ისაუბრა.

„დღეს ისტორიული დღეა, რადგან 27 წლის დიპლომატიური ურთიერთობების შემდეგ, საქართველოში ჩამოვიდა კვიპროსის პრეზიდენტი. ეს არის ახალი ეტაპი და ახალი ნაბიჯი ჩვენს ურთიერთობებში. ჩვენი შეხვედრა მიეძღვნა სწორედ ჩვენი ეკონომიკური, პოლიტიკური და სხვა მიმართულებებით ურთიერთობების გაღრმავებას. ძალიან მნიშვნელოვანია, რომ სახელმწიფოებს შორის ეკონომიკური ურთიერთობები მაღალ დონეზე აიწიოს. ამისთვის ხვალ იმართება ბიზნეს-ფორუმი. გაზრდის ძალიან დიდი პოტენციალი გვაქვს და არა მხოლოდ ტურიზმის დარგში, არამედ ბევრი სხვა, თუნდაც ტექნოლოგიური მიმართულებით. ამ კუთხით კვიპროსს შეუძლია საქართველოს დახმარება გაუწიოს და გამოცდილება გაუზიაროს. ასევე, ჩვენ ვისაუბრეთ იმაზე, თუ როგორ შეუძლია კვიპროსს, რომ საქართველოს დაეხმაროს ევროკავშირთან ინტეგრაციის გზაზე“, – განაცხადა სალომე ზურაბიშვილმა.

თაიმერი timer.ge
: თაიმერი timer.ge აპრილი 17, 2019 12:26

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


2,100
ვიზიტორი
დღეში
Powered By Google Analytics