სააკაშვილმა კლიჩკოს შეთავაზებაზე უარი განაცხადა

region
: region ივნისი 7, 2019 17:29

სააკაშვილმა კლიჩკოს შეთავაზებაზე უარი განაცხადა

უკრაინულ მედიაში გავრცელებული ინფორმაციით, საქართველოს ყოფილმა პრეზიდენტმა და ოდესის ოლქის ყოფილმა გუბერნატორმა, მიხეილ სააკაშვილმა კლიჩკოს შეთავაზებაზე უარი განაცხადა.

მედიაში გავრცელებულ ამ ინფორმაციას გამოეხმაურა ვიტალი კლიჩკო. როგორც თავად ვიტალი კლიჩკომ „ფეისბუქში“ აღნიშნა, სააკაშვილისთვის შეთავაზება, მისი პარტიის თავმჯდომარეობაზე, გულწრფელი იყო და მიზნად ისახავდა მხარში ამოდგომოდა რთულ ვითარებაში.

„ემოციის გარეშე ვკითხულობ ცნობებს „ფეისბუქში“ ჩვენი კავშირის შესახებ. მე ჩემი ჟესტი გავაკეთე. გულწრფელად და მეგობრული ურთიერთობის გათვალისწინებით“, – წერს კლიჩკო. იგი დასძენს, რომ თავის პოლიტიკურ გეგმებს არ ცვლის. კლიჩკო აცხადებს, რომ რთულ სიტუაციაში მყოფი სააკაშვილისთვის მხარში ამოდგომა გადაწყვიტა, მიუხედავად იმისა, რომ მისმა მომხრეებმა ეს იდეა არაერთგვაროვნად მიიღეს.

აღსანიშნავია, რომ კლიჩკოს შეთავაზების შემდეგ მიხეილ სააკაშვილმა განაცხადა, რომ გადაწყვეტილების მიღებისას მისი მომხრეების აზრს გაითვალისწინებდა. რა გადაწყვეტილება მიიღო სააკაშვილმა, ამის შესახებ ჯერ მას ოფიციალურად არ განუცხადებია.

region
: region ივნისი 7, 2019 17:29

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


10,702
ვიზიტორი
დღეში
Powered By Google Analytics