რუსულმა ძალებმა დღეს დილით ავდიივკა დაბომბეს, რის შედეგადაც 7 ადამიანი დაიღუპა და 9 კი – დაშავდა, – ინფორმაციას საქალაქო სამხედრო ადმინისტრაციის ხელმძღვანელი, ვიტალი ბარაბაში ავრცელებს.
„დილით, რუსმა ბოროტმა სულებმა კიდევ ერთხელ მოიტანეს სიკვდილი ჩვენს მიწაზე, როგორც ყოველთვის ბოროტად, მალულად, პიკის საათებში, ტანკებითა და რეაქტიული სისტემებით ცენტრალური ბაზარი დაბომბეს. დაიღუპა 7 და დაშავდა 9 ადამიანი“, – წერს ბარაბაში „ტელეგრამში“.
