რუსთავში, მდინარე მტკვარში და სანაპიროზე 53 წლის მამაკაცის საძიებო სამუშაოები დილიდან განახლდა. თვითმხილველების ინფორმაციით, შუახნის მამაკაცი რუსთავში, დავით გარეჯის ქუჩის მიმდებარე ტერიტორიაზე, მდინარე მტკვარში, 5 აგვისტოს საღამოს, საბანაოდ შევიდა და დინებამ გაიტაცა.
მაშველების მიერ საძიებო სამუშაოები მდინარე მტკვრის 37 კილომეტრიან მონაკვეთზე, წითელ ხიდამდე – საზღვრამდე ჩატარდა. ხილვადობის შეზღუდვის გამო საძიებო სამუშაოები წუხელ შეწყდა და დღეს დილიდან ისევ განახლდა.
