რუსთაველის გამზირზე გამართული აქციის დროს დაკავებული პირების სასამართლო პროცესი გადაიდო. აღნიშნულ საქმეზე მსჯელობა 29 დეკემბერს გაგრძელდება.
აქციაზე ორი პირი გუშინ დააკავეს. მათ ბრალად პოლიციისთვის წინააღმდეგობის გაწევა ედებათ.
მომხდართან დაკავშირებით საქმე სისხლის სამართლის კოდექსის 173-ე მუხლით აღიძრა, რაც პოლიციისთვის წინააღმდეგობის გაწევას გულისხმობს.
პარლამენტის შენობის წინ, “თეთრი ხმაურის მოძრაობამ“ ნარკოტიკული საშუალებების დეკრიმინალიზაციის მოთხოვნით, საპროტესტო აქცია გამართა. არასამთავრობო ორგანიზაციები საქართველოში არსებულ ნარკოპოლიტიკას აპროტესტებდნენ.
