რუსი ოლიგარქი ალიშერ უსმანოვი საქართველოს ეროვნულ ბანკსა და ლიბერთი ბანკს თავისი კომპანიის ფულის განბლოკვის მოთხოვნით უჩივის. MKD Law-მა „მეტალოინვესტის“ სახელით საქართველოს ეროვნული ბანკისა და ლიბერთი ბანკის წინააღმდეგ სარჩელი შეიტანა. ის რუსული საინვესტიციო ჰოლდინგის USM-ის შვილობილი კომპანიაა, რომლის 49%-ს რუსეთის ერთ-ერთი უმდიდრესი ადამიანი, ალიშერ უსმანოვი ფლობს.
ადვოკატების თქმით, „მეტალოინვესტს“ რამდენიმე მილიონი ევრო ჰქონდა ლიბერთი ბანკში, რომელზე წვდომაც აშშ-ს სანქციების შემდეგ შეიზღუდა.
MKD Law-ში ნათქვამია, რომ ქართულმა სასამართლომ საბუთები უკვე მიიღო განსახილველად, თუმცა მთელ პროცესს შესაძლოა რამდენიმე წელი დასჭირდეს.
მანამდე MKD LAW წარმოადგენდა საქართველოს ყოფილი პრემიერ-მინისტრის, მმართველი პარტია „ქართული ოცნების“ დამფუძნებლის ბიძინა ივანიშვილის ინტერესებს შვეიცარიული ბანკის Credit Suisse-ის წინააღმდეგ სარჩელში.
ოქტომბერში გავრცელდა ინფორმაცია ბავარიის სამხრეთში უსმანოვის საკუთრებაში არსებული რამდენიმე კერძო საკუთრებაში ჩხრეკის ჩატარებაზე.