რომან გოცირიძე : სალომე ზურაბიშვილის პრეზიდენტობა საფრთხეს უქმნის ქვეყანას

თაიმერი timer.ge
ავტ.: თაიმერი timer.ge სექტემბერი 18, 2019 13:09

რომან გოცირიძე : სალომე ზურაბიშვილის პრეზიდენტობა საფრთხეს უქმნის ქვეყანას

„ნაციონალური მოძრაობის“ წარმომადგენელ რომან გოცირიძის აზრით, როდესაც პრეზიდენტი იწყალებს ერთი თვის განმავლობაში სამ მკვლელს, ისეთ ადამიანს, რომელიც ერთი დღითაც არ მჯდარა ციხეში, ამ ფაქტში, აშკარად ჩანს კორუფციის ნიშნები.

„თუ ეს დადასტურდა, პრეზიდენტს იმპიჩმენტის წესით მოუწევს წასვლა. მორატორიუმი ამ გაფუჭებულ საქმეს და მის რეპუტაციას ვერ უშველის. უკეთესია, გადადგეს, ვინაიდან დარწმუნებული ვარ, პრეზიდენტი ვერ დაასრულებს ვადას, მას მოუწევს იმპიჩმენტით ან საკუთარი ნებით გადადგომა“, – აღნიშნა გოცირიძემ.

მისივე თქმით, სალომე ზურაბიშვილის პრეზიდენტობა საფრთხეს უქმნის ქვეყანას.

„ეს დანაშაულებრივი გადაწყვეტილებები არის ბიძინა ივანიშვილის კისერზე“, – განაცხადა გოცირიძემ.

საქართველოს პრეზიდენტმა, სალომე ზურაბიშვილმა დღეს მსჯავრდებულთა შეწყალებაზე მორატორიუმი გამოაცხადა. როგორც მან აღნიშნა, წესები, რომელიც შეწყალებას ეხება, უნდა გადაიხედოს და შემუშავდეს პარლამენტში სამუშაო ჯგუფის მიერ.

თაიმერი timer.ge
ავტ.: თაიმერი timer.ge სექტემბერი 18, 2019 13:09

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


7,521
ვიზიტორი
დღეში
Powered By Google Analytics