“როცა ყოველ ჯერზე საერთაშორისო ასპარეზზე კეთდება შესაბამისი განცხადება, ეს არის გზავნილი რუსეთისთვის”

მნიშვნელოვანია, რომ საქართველოს ტერიტორიების ოკუპაციის თემა ძალიან აქტიურად იყოს წარმოდგენილი საერთაშორისო დღის წესრიგში, – ამის შესახებ ფრაქცია „ლელოს“ წევრმა, სალომე სამადაშვილმა განაცხადა.

მისივე თქმით, საკითხების ირგვლივ საერთაშორისო ასპარეზზე გაკეთებული განცხადებები რუსეთისვის გზავნილია.

„მნიშვნელოვანია, რომ საქართველოს ტერიტორიების ოკუპაციის თემა ძალიან აქტიურად იყოს წარმოდგენილი საერთაშორისო დღის წესრიგში, იმის გათვალისწინებით, რომ რუსეთს არანაირი პოლიტიკური ფასის გადახდა არ უწევს, როცა ჩვენი მოქალაქეების უფლებები ირღვევა, გრძელდება კვლავ უკანონო დაპატიმრება. როცა ყოველ ჯერზე საერთაშორისო ასპარეზზე კეთდება შესაბამისი განცხადება, ეს არის გზავნილი რუსეთისთვის. ცხადია, მნიშვნელოვანია ჩართულობა. სამწუხაროდ, საქართველოს ხელისუფლება საკმარისს არ აკეთებს, რათა ჩვენი ოკუპაციის თემა რეალურად დღის წესრიგში შევიდეს“, – განაცხადა სალომე სამადაშვილმა.

რეკლამის ბანერი
წინა სტატიაშიმეუფე იაკობი ომბუდსმენთან შეხვედრის შემდეგ:გვქონდა ძალიან გულღია, აბსოლუტურად გულითადი საუბარი
შემდეგი სტატიამეუფე იაკობი ჟურნალისტებს: დიდი მადლობა ამ აჟიოტაჟისთვის