აშშ-ს პირველი ლედის, მელანია ტრამპის პრეს-მდივანმა სტეფანი გრიშემ მოწოდება გააკეთა დაბლოკონ რეპერ T. I.-ის კლიპი, რომელიც მან “ტვიტერში” გამოაქვეყნა. ვიდეოში მელანია ტრამპის მსგავსი მოდელი შიშვლდება. “მოგწონთ თქვენ თუ არა, ის პირველი ლედია და ეს თეთრი სახლია” – პრეს-მდივანს “სიენენი” ციტირებს. თვითონ რეპერს, რომლის სახელია კლიფორდ ჰარისი, ამდაგვარად სურდა მასა და რეპერ კანიე უესტს შორის განსხვავების ჩვენება, რომელიც თავის ტექსტებში ტრამპს აქებს.
T. I.-ს ალბომის პრომო ვიდეოში მოდელი, რომელიც დონალდ ტრამპის მეუღლეს გავს, რეპერთან შიშველი დგება ოთახში, რომელიც ოვალურ კაბინეტის ფორმისაა. ეს ყველაფერი კი ხდება მაშინ, როცა სცენარის მიხედვით, აშშ-ს პრეზიდენტი თავის ქალაქგარეთ რეზიდენციაში იმყოფება.
ვიდეომ აშშ-ში სკანდალი გამოიწვია. ისინიც კი, ვინც, როგორც წესი, დონალდ ტრამპის ადმინისტრაციას აკრიტიკებენ, რეპერის ვიდეოზე კრიტიკული აზრი გამოთქვეს, რადგანაც კლიპში პოლიტიკური უთანხმოებიდან პირად ცხოვრებაზე გადასვლა მიუღებელია – ამბობენ ისინი. კლიპში პირველი ლედის პროსტიტუტად გამოყვანა პროტესტის საუკეთესო საშუალება არ არის – ამბობენ ტრამპის პოლიტიკური ოპონენტები – “ბიბისი” წერს.