რეგიონული განვითარების მინისტრი უცხოელ პარტნიორებს შეხვდა

news
ავტ.: news დეკემბერი 6, 2016 17:13

რეგიონული განვითარების მინისტრი უცხოელ პარტნიორებს შეხვდა

რეგიონული განვითარებისა და ინფრასტრუქტურის მინისტრი ზურაბ ალავიძე ფრანგული კომპანია SUEZ-ის რეგიონული ფილიალის წარმომადგენლებს შეხვდა.

შეხვედრას მინისტრთან ერთად, მინისტრის პირველი მოადგილე ირაკლი მატკავა და გაერთიანებული წყალმომარაგების კომპანიის დირექტორი გიორგი კობერიძე ესწრებოდნენ.

მხარეებმა წყალმომარაგების ინფრასტრუქტურის განვითარების კუთხით შესაძლო თანამშრომლობაზე ისაუბრეს და ამ თვალსაზრისით ერთმანეთს საკუთარი ხედვა გააცნეს.

კომპანია SUEZ დიდი გამოცდილება აქვს წყალმომარაგების ინფრასტრუქტურის განვითარების სფეროში და ამ კუთხით მსოფლიოს სხვადასხვა ქვეყანაში არაერთი მასშტაბური პროექტი აქვს განხორციელებული.

მოსახლეობის წყალმომარაგების გასაუმჯობესებლად რეგიონული განვითარებისა და ინფრასტრუქტურის სამინისტრო საქართველოს რეგიონებში არაერთ მნიშვნელოვან პროექტს ახორციელებს.

წყალმომარაგებისა და წყალარინების სისტემის გასაუმჯობესებლად მობილიზებულია დიდი რაოდენობით ფინანსები, ყოველივე ამის ფონზე სამუშაოების კიდევ უფრო მეტი ინტენსივობით შესასრულებლად სამინისტრო გაერთიანებული წყალმომარაგების კომპანიასთან ერთად პოტენციური ინვესტორების მოსაზიდად ინტენსიურად მუშაობს.

აღნიშნული შეხვედრაც სწორედ ამ მიზანს ემსახურება.

news
ავტ.: news დეკემბერი 6, 2016 17:13

Google სტატისტიკა


4,081
ვიზიტორი
დღეში
Powered By Google Analytics