ქუთაისის ისტორიული ნაწილი შესაძლოა, იუნესკო-მ მსოფლიო მემკვიდრეობის ძეგლად გამოაცხადოს. ამის შესახებ დღეს საქართველოს პრეზიდენტ სალომე ზურაბიშვილს კულტურული მემკვიდრეობის დაცვის ეროვნული სააგენტოს გენერალურმა დირექტორმა, ნიკოლოზ ანთიძემ განუცხადა.
ანთიძის თქმით, ამ მიმართულებით ქართულ-პოლონური ერთობლივი ექსპედიცია მუშაობს.
„ძეგლად გამოცხადდება უქიმერიონი და მიმდებარე ისტორიული ნაწილი თავისი არქიტექტურითა და ისტორიით. ჩვენ პოლონელ კოლეგებთან ერთად ვმუშაობთ, რომ სწორად მივაწოდოთ პროექტი იუნესკოს“, -განაცხადა ნიკოლოზ ანთიძემ.
ანთიძემ დღეს პროექტის მინიპრეზენტაცია პრეზიდენტისთვის გამართა.
საქართველოს პრეზიდენტი დღეს ქუთაისში იმყოფება.