უკრაინის პრეზიდენტმა, პეტრე პოროშენკომ განაცხადა, რომ თუკი პუტინი აკრიტიკებს სააკაშვილს, ესე იგი, სწორ გზაზე არიან და დაამატა, რომ ისინი აგრესორი ქვეყნის ლიდერისგან რჩევებს არ საჭიროებენ – ასეთი კომენტარი გაუკეთა პოროშენკომ ვლადიმირ პუტინის მიერ დღეს პრესკონფერენციაზე გამოთქმულ მოსაზრებას, რომ სააკაშვილი “ავანტიურულად” მოქმედებდა ყოველთვის, რამაც საქართველოში ფატალური შედეგები გამოიწვია. მისი თქმით, სააკაშვილი იგივეს ახლა უკრაინაში აგრძელებს. “ახლა ეს მოღვაწეები აქტიურად ფუნქციონირებენ დამოუკიდებელ უკრაინაში. მათ მუშაობის სტილი არ შეუცვლიათ. ჩემი აზრით, ეს უბრალოდ, უკრაინელი ხალხისთვის სახეში შეფურთხებაა” – განაცხადა ვლადიმირ პუტინმა.