პოლონეთი, ქვეყნის ისტორიაში, ყველაზე მასშტაბურ წვრთნებს ჩაატარებს. წვრთნები რუსეთთან დაძაბული ურთიერთობის გამო დაიგეგმა.
სწავლებებში აქცენტი გაკეთდება ე.წ. ჰიბრიდულ ომზე, მსგავსად აღმოსავლეთ უკრაინისა. მასში მონაწილეობას მიიღებს დაახლოებით 35 ათასი ჯარისკაცი და ვოლონტიორი, რომელთაც სამხედრო სწავლებები გავლილი აქვთ.
შეგახსენებთ, რომ რამდენიმე ხნის წინ ცნობილი გახდა, რომ ნატო პოლონეთს დაეხმარება – ალიანსის ერთ-ერთი ბატალიონი ქვეყნის ტერიტორიაზე განთავსდება, კიდევ სამი კი ბალტიის ქვეყნებში – განთავსების საბოლოო დეტალები ვარშავას სამიტზე დაზუსტდება.