პოლონეთის პრემიერ-მინისტრმა მატეუშ მორავეცკიმ ხელი მოაწერა შეთანხმებას, უკრაინაში შეიარაღების მიწოდების შესახებ და განაცხადა, რომ ეს წარმოადგენს უკანასკნელი 30 წლის განმავლობაში იარაღის ყველაზე მასშტაბურ ექსპორტს.
მისი თქმით, ეს არის ერთ-ერთი დიდი, თუ უდიდესი არა, კონტრაქტი შეიარაღების ექსპორტის შესახებ.
„ეს არის დროის მიერ გამოცდილი იარაღი, ზედმიწევნით შემოწმებული, რომელიც არა მხოლოდ ცეცხლით ნათლობას გაივლის, არამედ, როგორც ახლა ჩვენ ვიცით, ძალიან მნიშვნელოვანი იარაღი იქნება აღმოსავლეთ უკრაინაში“, – განაცხადა მორავეცკიმ პოლონეთის ქარხანა Huta Stalowa Wola -ში, რომელსაც პრემიერ-მინისტრმა ქვეყნის მარგალიტი უწოდა.
