პოლონეთი არმიის გასაძლიერებლად სამხრეთ კორეისგან შეიარაღებას შეიძენს

პოლონეთის თავდაცვის მინისტრის, მარიუშ ბლაშჩაკის თქმით, პოლონეთი სამხრეთ კორეისგან შეიარაღებას შეიძენს.

შეთანხმების თანახმად, პოლონეთი სამხრეთ კორეისგან 980 ტანკს, 600-ზე მეტ თვითმავალ ჰაუბიცას და 48 გამანადგურებელს შეიძენს. ამ შეიარაღებით პოლონეთი უკრაინისთვის გადაცემულ ტექნიკას ჩაანაცვლებს. პოლონეთის ხელისუფლების მიხედვით, ევროპაში უძლიერესი სახმელეთო არმიის შექმნას გეგმავენ.

ხელშეკრულებით გათვალისწინებული შეიარაღების ღირებულება 14.5 მილიარდ დოლარს შეადგენს.

გავრცელებული ინფორმაციით, K2 მოდელის 180 ტანკს სამხრეთ კორეელი მწარმოებლები პოლონეთში ჩაიტანენ. დანარჩენს კი პირდაპირ პოლონეთში ააწყობენ კორეული ლიცენზიით.

პოლონეთის შეიარაღების სააგენტოს წარმომადგენლის, კშიშტოფ პლატეკის თქმით, FA-50 ტიპის მსუბუქი გამანადგურებლებით Su-27 და MiG-29 -ების სწრაფად ჩანაცვლებაა შესაძლებელი.

მინისტრის თქმით, სამხედრო პოტენციალის გაძლიერების აუცილებლობა განაპირობა პოლონეთის მეზობელ უკრაინაში რუსეთის შეჭრამ.

“პოლონეთის არმია უნდა იყოს ისეთი ძლიერი და მრავალრიცხოვანი რომ მისმა არსებობამ აგრესორს შიში ჩაუნერგოს. კრემლი არ უტევს ძლიერებს, ის თავს ესხმის მაშინ, როცა სისუსტეს ხედავს”. – თქვა ბლაშჩაკმა.

წინა სტატიაშითუ რაიმე აქვს გოგაშვილს საპასუხო და სათქმელი საზოგადოებისთვის, ეს არის ის თუ როგორ შეიძინა ქონებები, როცა 2012 წელს იყო სოციალურად დაუცველი – ღუდუშაური
შემდეგი სტატიარუსეთთან შეთანხმებები არ შეიძლება ჩაითვალოს სანდოდ, რადგან „ასეთია რუსეთი“ – მორავეცკი