გორის მუნიციპალიტეტის სოფელ ზეღდულეთში მიმდინარე საპროტესტო აქციაზე ვითარება ისევ დაიძაბა.
ადგილობრივები პოლიციის კორდონის გარღვევას ცდილობდნენ, რასაც ფიზიკური დაპირისპირება მოჰყვა. მათ ცენტრალურ საავტომობილო მაგისტრალთან მისვლა და გზის გადაკეტვა სურთ, თუმცა სამართალდამცველები ამის შესძლებლობას არ აძლევენ.
ტერიტორიაზე პოლიციის განსაკუთრებული მობილიზებაა.
მოსახლეობა გასხვისებული მიწების დაბრუნებას ითხოვს, წინააღმდეგ შემთხვევაში კი, ამბობენ, რომ პროტესტი უფრო მწვავე ფორმას მიიღებს.
