ფილიპინების პრეზიდენტმა როდრიგო დუტერტემ, გაეროს გენერალურ მდივანს პან გი მუნს “სულელი” უწოდა და მისი პოლიტიკა გააკრიტიკა – დღეს Yahoo News-ი წერს.
პან გი მუნმა ფილიპინებში დუტერტეს მიერ გამოცხადებული კამპანიის ფარგლებში, რომელიც ნარკოდამნაშავეების წინააღმდეგ არის მიმართული, ადამიანის უფლებების დარღვევებზე ისაუბრა, კერძოდ, მუნმა გაიხსენა დუტერტეს სიტყვები, რომ ის ნარკოდილერებს დახოცავს და მათი ცხედრებით თევზებს გამოკვებავს.ასევე, ის დააჯილდოვებს იმ თანამოქალაქეებს, რომლებიც ნარკოდილერებს მოკლავენ.
“მე ჩემს თავს ვუთხარი, რომ ეს კიდევ ერთი სულელია. მე დანაშაულის წინააღმდეგ კამპანიას გავაგრძელებ. მე ისინი არ მეცოდებიან” – განაცხადა ფილიპინელმა ლიდერმა პან გი მუნის სიტყვების კომენტირებისას.
შეგახსენებთ, რომ რამდენიმე დღის წინ დუტერტემ აშშ-ს პრეზიდენტს ბარაკ ობამას “ძაღლისშვილი” უწოდა.