პარლამენტთან მიმდინარე საპროტესტო აქციაზე ადმინისტრაციული სამართალდარღვევის ფაქტზე დაკავებულების სასამართლო პროცესი დღეს გაიმართება.
დაკავებულების ადვოკატის, გიორგი ონიანის განცხადებით, სხდომა თბილისის საქალაქო სასამართლოში დაახლოებით, 10:00 საათიდან დაიწყება.
დღევანდელ სასამართლო პროცესზე დაკავებულების მიმართ ადმინისტრაციული სახდელის დადებაზე იმსჯელებენ.
დაკავებულებს შორის არიან, ადვოკატი ბექა ბასილაია, მოძრაობა „სირცხვილიას“ ორგანიზატორი გიგა მაქარაშვილი, ასევე ზუკა ბერძენიშვილი.
შსს-მ გუშინდელ აქციაზე ჯამში 37 პირი დააკავა.
