პარიზის ერთ-ერთ გარეუბანში, სუპერმარკეტთან მამაკაცმა ცეცხლი გახსნა და ორი ადამიანი დაჭრა. ორივე დაშავებული ჰოსპიტალიზებულია. მათი მდგომარეობა მძიმეა. გამოცემა Figaro-ს მონაცემებით, დაშავებულია 57 წლის ქალი დ 73 წლის მამაკაცი.
თავდამსხმელმა მიმალვა შეძლო, ამჟამად მას სამართალდამცველები ეძებენ. პოლიციაში აცხადებენ, რომ ეჭვმიტანილის ვინაობა ცნობილია.
პროკურატურის ოფისში აღნიშნავენ, რომ მომხდარი ინციდენტი სავარაუდოდ ტერორიზმს არ უკავშირდება.