პაატა ბურჭულაძე: ყველაფერზე ხელს აწერენ და შემდეგ უტიფარ გამართლებასაც მარტივად კადრულობენ

თაიმერი timer.ge
ავტ.: თაიმერი timer.ge აგვისტო 25, 2019 21:13

პაატა ბურჭულაძე: ყველაფერზე ხელს აწერენ  და შემდეგ უტიფარ გამართლებასაც მარტივად კადრულობენ

მსოფლიო ბანი პაატა ბურჭულაძე სოციალურ ქსელში რუსთავის 2-ის ირგვლივ განვითარებულ მოვლენებს ეხმაურება. „თაიმერი“ ბურჭულაძის პოსტს უცვლელად გთავაზობთ.

„როგორც იქნა გამოირთო რუსთავი 2 და ხომ ატყობთ რა საამო სიმშვიდეა ქვეყანაში. აღარავინ ტეხს განგაშს, რომ კორუფციაა და სიღარიბე, აღარც ოკუპაციის თემა მუსირებს. აგერ, ია კერძაიას სიცოცხლის მოსპობაში ბრალეული მხარე ვერ იქნა აღმოჩენილი და საქმე დახურეს. სამაგიეროდ, მამუკა ხაზარაძეს პასუხს აგებინებენ მამუკა ხაზარაძისვე დაზარალებაში, სხვა დაზარალებული ან მომჩივანი ვერ იპოვნეს. უსახლკაროდ მიტოვებული ოჯახებისთვის ფონდ „იავნანას“ მიერ ნაჩუქარ სახლებს რემონტი დაუწუნეს და ორი წელია მათ პურის ფულითაც კი აღარავინ დახმარებია. პროკურატურამ ეძება ფონდში და მხოლოდ დახმარებული და სარგებელ მიღებულ ხალხი აღმოაჩინა, მაგრამ მავნებლურად საქმეს მაინც არ ხურავენ, ბოლომდე უნდათ „იავნანა“ მოსპონ…და ალბათ, რა მშვენიერი იქნებოდა ივანიშვილისთვის ასწლოვანი ხეების შრიალში დღეების გატარება ინგა გრიგოლია და ტვ პირველიც რომ არ დაურღვევდნენ მყუდროებას ახალი სატელევიზიო სეზონიდან. ისე ძალიან უნდა მას აგვისტოში გააჩუმოს და მოათავოს ყველაფერი, რომ მისი მონები ბატონის სურვილების შესასრულებლად ყველაფერზე ხელს აწერენ, ყველა საქციელზე მზად არიან და შემდეგ უტიფარ გამართლებასაც მარტივად კადრულობენ. რაც მთავარია, სიჩუმეა… სიჩუმეა და აღარავინ წუხდება. ვაი, ჩემო საქართველო …“ – წერს პაატა ბურჭულაძე.

თაიმერი timer.ge
ავტ.: თაიმერი timer.ge აგვისტო 25, 2019 21:13

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


5,479
ვიზიტორი
დღეში
Powered By Google Analytics