სახალხო დამცველი დავით ხარშილაძის საქმის ობიექტური გამოძიების აუცილებლობაზე საუბრობს. უჩა ნანუაშვილმა ჟურნალისტ ელისო კილაძის შვილის დაკავებასთან დაკავშირებით კომენტარი გააკეთა და განაცხადა, რომ მნიშვნელოვანია ყველა იმ ფაქტის გადამოწმება და შემდეგ უკვე რეაგირება მოხდეს, რაზეც კითხვები არსებობს:
„ჩვენ საუბარი გვქონდა იმაზე, რომ პროკურატურას უნდა გამოეძიებინა დაზიანებებთან დაკავშირებით არსებული ინფორმაცია და გადაემოწმებინა, თუ როდის და რა გარემოებებში მოხდა ასეთი დაზიანებების მიყენება. ასევე არის მნიშვნელოვანი საქმის დეტალები, მათ შორის პროცესუალური დარღვევები, რომელზეც თვითონ დაკავებული საუბრობს. მნიშვნელოვანია, რომ ყველა ეს ფაქტი იქნას გადამოწმებული და გამოძიების რეაგირება მოხდეს ამ საკითხებთან დაკავშირებით,“ – განაცხადა უჩა ნანაუაშვილმა.