ოკუპირებული გალის რაიონის სოფელ საბერიოს ჩეღალის უბნიდან, ზუგდიდში სასწრაფო დახმარების მანქანამ კიდევ ერთი პაციენტი გადმოიყვანა.
სასწრაფოს ჯგუფი პაციენტს, ამჯერადაც წალენჯიხის მუნიციპალიტეტ სოფელ ფახულანი-წყოუშის ადმინისტრაციულ საზღვართან დახვდა.ინფორმაციას ამის შესახებ ადასტურებს წალენჯიხის მერი ბესიკ ფარცვანია.
„ ეს გახლავთ შუახნის ქალი, რომელიც საბერიოს ჩეღალის უბნის მაღაზიის თანამშრომელია. მას ბოლო ერთი კვირაა მაღალი სიცხე აქვს და ამიტომ გადმოიყვანეს ზუგდიდის ინფექციურში”.-თქვა მან.
ზუგდიდის ინფექციურ საავადმყოფოში 29 მარტს, მოათავსეს ოკუპირებული საბერიოდან გადმოყვანილი, 50 წლის ქალი, რომელსაც კორონავირუსი დაუდასტრდა. ასევე,31 მარტს, ამავე სოფლიდან გადმოიყვანეს და ინფექციურში მოათავსეს 2 მცირეწლოვანი ბავშვიც.