,,ოკუპირებულ აფხაზეთში მიმდინარე წვრთნები პირველ რიგში, ძალის დემონსტრირების პოლიტიკაა”

region
ავტ.: region აპრილი 24, 2019 15:51

,,ოკუპირებულ აფხაზეთში მიმდინარე წვრთნები პირველ რიგში, ძალის დემონსტრირების პოლიტიკაა”

ოკუპირებულ აფხაზეთში მიმდინარე სამხედრო სწავლება პირველ რიგში, არის ძალის დემონსტრირების პოლიტიკა, – ამის შესახებ შერიგებისა და სამოქალაქო თანასწორობის საკითხებში სახელმწიფო მინისტმა, ქეთევან ციხელაშვილმა განაცხადა.

მისი თქმით, ეს არც სიახლეა, რადგან შარშან, წლის განმავლობაში 120-ზე მეტი სხვადასხვა მასშტაბის სწავლება და მანევრი ჩატარდა.

„ამჯერად 3 000 სამხედროს მონაწილეობით ძალიან მასშტაბური წვრთნები ტარდება. ეს მიანიშნებს ორ რამეზე: ჩვენი ოკუპირებული რეგიონები ფაქტობრივად სამხედრო პოლიგონად იქცა წლების განმავლობაში და მეორე – ეს არის რუსეთის პოლიტიკა, თავად როგორც ამბობენ რეაქცია, საქართველოს ნებისმიერ წინსვლაზე, ნაბიჯზე, რომელიც უკავშირდება მისი უსაფრთხოების განმტკიცებას, ამერიკელ პარტნორებთან თანამშრომლობას, ნატო-სთან დაახლოებას, რომელიც ხშირად ვამბობთ ხაზგასმით და კიდევ გავიმეორებთ, არავის წინააღმდეგ არ არის მიმართული. ეს არის ფაქტობრივად კუნთები ყოველ ჯერზე, სადაც გამოთიშულია ადამიანების ინტერესი, პირველ რიგში, ადამიანების, რომლებიც ცხოვრობენ აფხაზეთსა და ცხინვალის რეგიონებში“, – განაცხადა ციხელაშვიმა.

ამასთან, მისი თქმით, საქართველოს უპრეცედენტო საერთაშორისო მხარდაჭერა აქვს.

„რაც შეეხება განცხადებებს, თითქოს ამ ფონზე საქართველოს საკითხი საერთაშორისო დღის წესრიგიდან გამქრალია, ჩვენ დღეს გვაქვს უპრეცედენტო საერთაშორისო მხარდაჭერა. ის, რომ ჩვენი ამერიკელი პარტნიორებისგან შავ ზღვაში გვსტუმრობს ამერიკული გემი, ეს ამ მხარდაჭერის გამოხატულებაა. არაერთ რეზოლუციაში ხაზგასმით არის აღნიშნული, რომ რაც ხდება განგრძობითი ოკუპაციის სახით, არ არის მხოლოდ საქართველოს პრობლემა,. ეს არის მთელი ევროპული უსაფრთხოების პრობლემა და ჩვენი ევროპელი პარტნიორები ხაზგასმით აღნიშნავენ, რომ კონფლიქტის მოგვარება, ოკუპაციის დაძლევა არის ევროპული უსაფრთხოების ინტერესი“, – განაცხადა სახელმწიფო მინისტრმა.

მისი თქმით, აღნიშნული მხარდაჭერა ხმამაღალი, მკაფიო და ერთსულოვანია.

„ჩვენი ამოცანაა, ეს გადავთარგმნოთ მშვიდობიან ძალისხმევად დეოკუპაცისკენ, ჩვენი ქვეყნის მშვიდობიანი გაერთიანებისკენ“, – განაცხადა ქეთევან ციხელაშვილმა.

ოკუპირებულ აფხაზეთში სამხედრო სწავლება მიმდინარეობს, რომელშიც 3 000 ჯარისკაცი მონაწილეობს.

region
ავტ.: region აპრილი 24, 2019 15:51

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


7,057
ვიზიტორი
დღეში
Powered By Google Analytics