“ნუ ვიტირებთ თუ დაგვიჭერენ” – მეუფე იაკობი

მეუფე იაკობის ქადაგება პატიმრობაზე, პატიმრებზე, შერიგებაზე – მღვდელმთავარს დრეს კონკრეტული გვარები არ დაუსახელებია, თუმცა მისი განცხადებიდან პოლიტიკური გზავნილები იკითხება:

“ჩვენთან ძალით ვაჟკაცობა არავინ არ უნდა დაიწყოს. კარგად გაიხსენეთ, როდესაც ვიღაცები ვაჟკაცობდნენ, როგორ გარბოდნენ მერე ქვეყნიდან და ქართველებმა უნდა ვისწავლოთ საქართველოზე ფიქრი. პატრიარქს რამდენი დამსახურება აქვს ერის წინაშე, პატრიარქის დასაცავად ქართველი ერი არასდროს არ გამოსულა. რა უნდა, ღმერთი იცავს პატრიარქს, ვინც არ უნდა დაესიოს- ყვავ-ყორნები იქნებიან თუ ჩვენები იქნებიან, თუ გარედან, ვინ ვის რა უნდა დააკლოს.

სასულიერო პირებსაც მოვუწოდებ და ერის ხალხსაც, ერთ კაცს და ორ კაცს ნუ გადააყოლებენ. ვიღაცას დაიჭერენ. რამდენი პატიმარი გვყავს, 300 ათასზე მეტი მისჯილი გვყავდა, 24 ათასზე მეტი ციხეში იჯდა, 400 ათასამდე კაცი იყო გასამართლებული, მაშინ კარგი სასამართლო იყო და დღეს არის ცუდი?! თუ მაშინ არ ვარგოდა სასამართლო აბა რა ქვეყანა გვქონდა მაშინ აშენებული, უვარგისი სასამართლოს პირობებში სახელმწიფო სახელმწიფოა ?! ამიტომ გონიერება მოვიკრიბოთ, ნუ ვიტირებთ თუ დაგვიჭერენ. როგორ გგონიათ ტირილს დავიწყებ ან ხალხი რომ გამოდიოდა გამიშვითო, იმას ვიკადრებ რომ გამიშვითო?! ხომ გეტყვით, რომ მიხედეთ თქვენს საქმეს, ქვეყანას მიხედეთ. უკრაინაზე რომ ფიქრობთ, მაშინ დაგიჯერებდით, საქართველოზე რომ მანამდე გეფიქრათ, თორემ მათი ტკივილი ჩვენი ტკივილია.

მაინცდამაინც 9 აპრილი უნდა მოხდეს, რომ ერთობა გვქონდეს?! გავერთიანდეთ მერე მაშინ დავიჯერებ ვიღაცაზე ზრუნავ, თუნდაც ერთ ადამიანზე. ამდენი ქალია ციხეში იმათ არ სცხვენიათ გარეთ რომ დარბიან გამოუშვათ, გამოვუშვათო?! იმდენი ქალია, ჯერ ქალებზე იზრუნეთ გამოვუშვათ , მერე დაგიჯერებთ, სხვებიც გამოვუშვათ. მე აბსოლუტურად ყველას გავუშვებდი ციხიდან.

ჩვენებსაც მოვუწოდებ, ჭკვიანად იყვნენ, ზედმეტად ნურავის ნუ დავიცავთ. რაღაც პერიოდი მოვითმენთ, არავის არ ვეტყვით, მაგრამ მერე პასუხს შიგნით ჩვენც მოვთხოვთ ყველას. შერიგება პატრიარქმაც იცის და მეც . სხვები რომ ლაპარაკობენ თქვენ გგონიათ იციან რა არის შერიგება?! არ იციან რა არის შერიგება, შერიგება ხდება სხვანაირად.

დათქმებით, რომ გამოვდივართ ეს არის, ის არის აბსოლუტურად სხვა არის ვერ ვიტყვით იმიტომ, რომ ვთქვათ ეშმაკსაც ეცოდინება და ხელს შეგვიშლის. მე მჯერა, რომ აუცილებლად მოხდება შერიგება ისე, რომ ღირსებაშელახული არავინ დარჩება. დღეს ძალიან ბევრი ღირსებაშელახულად თვლის თავს, ეს უნდა ვიცოდეთ. თუ შენდობაა, სათხოვარი ყველამ ერთმანეთს უნდა ვთხოვოთ, ყველა ვართ დამნაშავეები, ვიღაცებს რაღაცის უფლება მივცეთ , დროზე არ გავაჩერეთ. აკეთეს ისეთი რამე, რისი გაკეთებაც ადამიანისგან , ქართველი კაცისგან არ არის მიზანშეწონილი.” თქვა მეუფე იაკობმა.

წინა სტატიაშიბოკერია – როდესაც პრემიერ-მინისტრი არ მოქმედებს, საპარლამენტო რეზოლუცია ამას ვერ ჩაანაცვლებს, ამიტომ არ უნდა ვეცადოთ სიტუაციის შელამაზებას
შემდეგი სტატიაჩვენებსაც მოვუწოდებ, ჭკვიანად იყვნენ, ზედმეტად ნურავის ნუ დავიცავთ – მეუფე იაკობი