“ნიკა მელია უკანონოდ გააგდეს პარლამენტიდან, უმრავლესობის მოვალეობაა, მის ადგილმონაცვლეს ხმა მისცეს”

region
ავტ.: region იანვარი 17, 2020 14:25

“ნიკა მელია უკანონოდ გააგდეს პარლამენტიდან, უმრავლესობის მოვალეობაა, მის ადგილმონაცვლეს ხმა მისცეს”

„ევროპული საქართველოს“ წევრი გიგი უგულავა მიიჩნევს, რომ „ნაციონალური მოძრაობის“ წარმომადგენელ ნიკა მელიას, სადეპუტატო უფლებამოსილება უკანონოდ, კონსტიტუციის დარღვევით შეუწყდა.

მისივე თქმით, ახლა უმრავლესობა ვალდებულია, ნიკა მელიას ადგილმონაცვლეს მხარი დაუჭიროს.

„ნიკა მელია აბსოლუტურად უკანონოდ, კონსტიტუციის დარღვევით გააგდეს პარლამენტიდან, ეს გაგდებაა და არავითარი სამართლის აღსრულება არ იყო. უმრავლესობის მოვალეობაა, მის ადგილმონაცვლეს მისცეს ხმა. ეს თუ არ მოხდება, მანაც უნდა იჩივლოს საკონსტიტუციო სასამართლოში. საკონსტიტუციო სასამართლო არ ბრწყინავს, მაგრამ თეთრით შავზე კონსტიტუციის დარღვევაა. თუ ამასაც არ აღიარებს, კიდევ უფრო ღრმა კრიზისში შევა. ნებისმიერი რამ, რასაც აკეთებს დღევანდელი მთავრობა, საბოლოო ჯამში მას კრიზისად უბრუნდება. ეს არის ის მოცემულობა, რაც შექმნა ივანიშვილმა ამ საუკუნის ტყუილის შემდეგ“ ,- განაცხადა გიგი უგულავა.

„ერთიანი ნაციონალური მოძრაობის“ წევრ ნიკა მელიას სადეპუტატო უფლებამოსილება 2019 წლის 12 დეკემბერს შეუწყდა.

ნიკა მელიასთვის უფლებამოსილების შეწყვეტის მიზეზი „ქართუ ბანკის“ გაკოტრების საქმეზე სასამართლოს გადაწყვეტილება გახდა.

კონსტიტუციის მიხედვით, გამამტყუნებელი განაჩენი დეპუტატისთვის უფლებამოსილების შეწყვეტის საფუძველი შეიძლება, გახდეს.

დეპუტატები ნიკა მელიას ადგილმონაცვლის, ბადრი ბასიშვილის უფლებამოსილების საკითხს პარლამენტის დღევანდელ რიგგარეშე სხდომაზე უყრიან კენჭს.

region
ავტ.: region იანვარი 17, 2020 14:25

Google სტატისტიკა


3,017
ვიზიტორი
დღეში
Powered By Google Analytics