ნერვებმა უმტყუნა ადამიანს ისეთი მძიმე იყო შეურაცხყოფა – სარჯველაძე ოხანაშვილზე

ადამიანის უფლებათა კომიტეტის თავმჯდომარე, მიხეილ სარჯველაძეც იმეორებს, რომ აშშ-ს საელჩოში, “ტვ პირველის” დამფუძნებელმა “მძიმე პროვოკაცია” მოაწყო. მისივე განცხადებით, დეპუტატ ანრი ოხანაშვილს “ნერვებმა უმტყუნა”, რადგან შეურაცხყოფა, რომელიც მას მიაყენეს მძიმე იყო.

“იქ მოხდა მარტივად რომ ვთქვათ მძიმე პროვოკაცია, მძიმე პროვოკაცია იმისა რასაც შეიძლება გამოეწვია კონფლიქტი, ამას მოჰყვა შელაპარაკება, მძიმე შეურაცხყოფას რომელზეც კონკრეტულად ვერ ვსაუბრობ, და ადამიანურად, ასე ვთქვა, ისეთი ფორმით ამასთან დაპირისპირება, რომელსაც შეგვიძლია დავარქვათ, რომ ნერვებმა უმტყუნა ადამიანს ისეთი მძიმე იყო შეურაცხყოფა, რომელიც მიაყენეს ადამიანს. ეს არის და ეს რაც მოხდა, ამის ისე წარმოჩენას, რომ იქ ვინმე გაუფრთხილებლად ვინმე ვინმეს მივარდა და შესაბამისად მასზე იძალადა, რასაკვირველია, არც ლოგიკურია, არც დამაჯერებელია საზოგადოებისთვის და უბრალოდ ამით თავს ნუ შევიწუხებთ. ვთქვათ რაც იყო რეალობა”, – თქვა სარჯველაძემ.

მისივე განცხადებით, “მტკნარი აბსურდია” მოთხოვნა მანდატის დატოვების შესახებ.

წინა სტატიაშიმარიუპოლის მერის მრჩეველი აცხადებს, რომ ქალაქში კიდევ ერთი მასობრივი სამარხი აღმოაჩინეს
შემდეგი სტატიამომიახლოვდა, გამიყვანა გვერდით და ა.შ. მიიღო პროპორციული პასუხი – ოხანაშვილი ვატო წერეთელზე