ნატოს სამხედრო კომიტეტის ხელმძღვანელმა, ადმირალმა რობ ბაუერმა განაცხადა, რომ ამჟამად არ არსებობს იმის ნიშნები, რომ რუსეთი ნატოს ერთ-ერთ ქვეყანაში შეჭრას გეგმავს.
„არ მგონია, რომ პირდაპირი საფრთხე იყოს. პრობლემა ის არის, რომ რუსეთის ამბიციები უკრაინის ფარგლებს მიღმაც ვრცელდება. ჩვენ ეს ვიცით, ამიტომ ალიანსი მთლიანობაში უფრო მომზადებული უნდა იყოს“, – აღნიშნა ნატოს სამხედრო კომიტეტის ხელმძღვანელმა.
მისი თქმით, ალიანსი შეთანხმდა, რომ რუსეთი საფრთხედ უნდა განიხილებოდეს და შესაბამისად, ალიანსმა შეცვალა სამხედრო გეგმები, გადაიტანა ყურადღება კოლექტიურ თავდაცვაზე.
