პირველად მესმის, ჯერ მსგავსი სიგნალი არ მომსვლია, – ასე უპასუხა ეკონომიკისა და მდგრადი განვითარების მინისტრმა, ნათია თურნავამ თანამდებობის შესაძლო დატოვებაზე დასმულ კითხვას.
მინისტრის თქმით, მთავრობის არსებული შემადგენლობა ჯერ წასვლას არ აპირებს და ხალხისთვის მუშაობს.
„უი, რას მელაპარაკებით?! პირველად მესმის თქვენგან, აუცილებლად გადავამოწმებ. რა თქმა უნდა, არ ვადასტურებ იმიტომ, რომ ამ გადაწყვეტილებას იღებს არა მედია, არ გეწყინოთ, არამედ პრემიერ-მინისტრი და ჯერ მსგავსი სიგნალი არ მომსვლია. ოდესღაც ყველანი სადღაც წავალთ და მე დარწმუნებული ვარ, ჩვენზე უკეთესი ადამიანები მოვლენ, მაგრამ ჯერ არ ვაპირებთ და ვმუშაობთ თქვენთვის და ყველასთვის“, – განაცხადა ნათია თურნავამ.
