მოზარდს, რომელსაც იაშვილის კლინიკაში მკურნალობენ, კორონავირუსი არ დაუდასტურდა. კლინიკის დირექტორის, ივანე ჩხაიძის თქმით, მას დაუდგინდა „ა“ ტიპის ვირუსი, გრიპი. პაციენტი იაშვილის სახელობის ბავშვთა ცენტრალურ საავადმყოფოში აგრძელებს მკურნალობას.
რაც შეეხება მოსაზრებას, რომ კორონავირუსის გავრცელება ბავშვებში ნაკლებად ხდება, იაშვილის სახელობის ბავშვთა ცენტრალური საავადმყოფოს სამედიცინო დირექტორი აცხადებს, რომ ეს შეფასება ეყრდნობა დღემდე არსებულ სტატისტიკურ მონაცემებს.
