უკრაინის ქალაქ მიკოლაივში საჰაერო განგაში გამოცხადდა და აფეთქებების ხმები ისმოდა. ინფორმაციას უკრაინული მედია ავრცელებს.
ქალაქის მერის, ალექსანდრ სენკევიჩის ინფორმაციით, მიკოლაივში ორი აფეთქების ხმა გაისმა.
მოგვიანებით, მიკოლაივის საოლქო-სამხედრო ადმინისტრაციის ხელმძღვანელმა, ვიტალი კიმმა განაცხადა, რომ თავდასხმის შედეგად 5 ადამიანი დაშავდა.
„ამჟამად არსებული ინფორმაციით, ასეთი მდგომარეობაა: დაზიანებულია ბევრი კერძო სახლი, ავტომობილები, დაშავებულია 5 ადამიანი. უფრო დეტალურ რიცხვებს მას შემდეგ შემოგთავაზებთ, რაც თავდასხმის ტერიტორიას შევამოწმებთ“, – აღნიშნა კიმმა.
