მიხეილ სააკაშვილი – ივანიშვილმა ჯანდაცვის მინისტრს არ აპატია ობიექტური სპეციალისტების მიერ დაკომპლექტებული კომისიის შექმნა

ივანიშვილმა ჯანდაცვის მინისტრს, ეკატერინე ტიკარაძეს კოვიდის მართვის სრული ჩავარდნა აპატია, მაგრამ არ აპატია ჩემს საკითხზე ობიექტური სპეციალისტების მიერ დაკომპლექტებული სახელმწიფო კომისიის შექმნა, – ამის შესახებ საქართველოს ყოფილი პრეზიდენტის მიხეილ სააკაშვილის წერილშია ნათქვამი, რომელიც მის სოციალურ ქსელში ვრცელდება.

სააკაშვილი ეკატერინე ტიკარაძეს მადლობას უხდის.

არ აპატია, რომ უარი თქვა რატის როლი მოერგო და ჩემს ჯანმრთელობის მდგომარეობაზე ის ტყუილები ელაპარაკა, რასაც მთავრობა სთხოვდა. არ აპატია, რომ ბოლოს ჩემი კლინიკაში გადაყვანის მსურველებსაც შეუერთდა.

კოვიდ-პასპორტები ბოლო წვეთი იყო. ეს ყველაფერი კარგად აჩვენებს, როგორ არ ადარდებს ამ მთავრობას ადამიანების სიცოცხლე.

მიუხედავად ყველაფრისა, მინდა, ქალბატონ ტიკარაძეს დიდი მადლობა გადავუხადო, რომ ასეთ რთულ მდგომარეობასა და სიტუაციაში ადამიანობა შეინარჩუნა!”, – წერს სააკაშვილი.

ეკატერინე ტიკარაძე ჯანდაცვის მინისტრის თანამდებობას ტოვებს. მისი თქმით, საქმიანობას “ქართული ოცნების” პოლიტსაბჭოში გააგრძელებს.

წინა სტატიაშიდეგნანი: საქართველო და აშშ გადადიან ურთიერთობის ახალ ეტაპზე
შემდეგი სტატიაგია ხარჩილავა გახარიას პარტიას: თქვენ ახლა დგახართ სერიოზული არჩევანის წინაშე, ან ჭაობი, ან წალენჯიხის ნათელი მომავალი