დროებით ოკუპირებულ ყირიმში, ჯანკოის რაიონის ქალაის (აზოვის) დასახლებაში რუსეთის სამხედრო ნაწილში ხანძარია, – ინფორმაციას უკრაინული მედია ყირიმელი თათრების მეჯლისის თავმჯდომარეზე, რეფატ ჩუბაროვზე დაყრდნობით ავრცელებს.
“მოხსენება დროებით ოკუპირებული ყირიმიდან: წარმატებული დარტყმა ორკების სამხედრო ნაწილზე ჯანკოის რაიონის სოფელ ქალაიში (ახლანდელი აზოვი)”, – აცხადებს ჩუბაროვი.
მისი თქმით, რუსეთის მიერ დასმული ყირიმის რეგიონის ხელმძღვანელი, სერგეი აქსენოვი სოფელ მაისკოეში გაემგზავრა, რომელიც აზოვიდან 1 კილომეტრში მდებარეობს.