მამუკა მდინარაძე: „წერეთელმა უმძიმესი შეურაცხყოფა მიაყენა ოხანაშვილს“

„ქართული ოცნების“ აღმასრულებელი მდივანი მამუკა მდინარაძე მმართველი პარტიის წევრ ანრი ოხანაშვილსა და „ტვ პირველის“ დამფუძნებელ ვატო წერეთელს შორის მომხდარ ინციდენტს სოციალურ ქსელში ეხმაურება.

მდინარაძე ორ ვერსიაზე საუბრობს და ამბობს, რომ „ნაციონალურ მოძრაობაზე“ უფრო მეტი პროვოკატორი და საქართველოს წინააღმდეგ ჰიბრიდული ომის მწარმოებელი ხალხი არ არსებობს.

მხოლოდ ორი ვერსია გვაქვს:

ვერსია 1: წერეთელმა უმძიმესი შეურაცხყოფა მიაყენა ანრი ოხანაშვილს (დედის გინება ყველაზე ბინძური და ამაზრზენი ფორმით), გაეცალა მყისიერად და ძალიან მალე თანმხლებ ახალგაზრდა ქალთან ერთად, ჭიქით ხელში კვლავ მიუახლოვდა, რითაც ის შეგნებულად, ამერიკის საელჩოს ტერიტორიაზე(!), წავიდა უმძიმეს პროვოკაციაზე, რასაც საბოლოოდ მათ შორის დაპირისპირება მოყვა.

ვერსია 2: ამერიკის საელჩოში მიღებაზე სტუმრად მისულმა ოთხმა დეპუტატმა, დაინახეს რა „ტვ1-ის“ დამფუძნებელი ვახტანგ წერეთელი, მივარდნენ მას და უმიზეზოდ, ყოველგვარი ახსნა-განმარტების გარეშე მიაყენეს ფიზიკური და სიტყვიერი შეურაცხყოფა.

დასკვნები უმარტივესი გამოსატანია!… როგორი მართალიც არის მეორე ვერსია, ისეთივე მართლები არიან სულ ნაციონალური მოძრაობის და მათი ტელევიზიების ლიდერები. ასევე უნდათ საქართველოს ევროპულ ოჯახში გაწევრიანება. ასევე განიცდიან თავისი სამშობლოს ტკივილს. ასეთივე სიმართლით იბრძვიან… სინამდვილეში კი, არ არსებობს მათზე პროვოკატორი, ანტიეროვნული, ანტიევროპული და საქართველოს წინააღმდეგ ჰიბრიდული ომის მწარმოებელი ხალხი (იხ. ვერსია და სიმართლე #1)!“, – წერს მამუკა მდინარაძე.

წინა სტატიაშიზმეინის კუნძულის გათავისუფლების დროს უკრაინელმა სამხედროებმა შავი ზღვის თავზე რუსული კა-52 ვერტმფრენი ჩამოაგდეს
შემდეგი სტატიატურიზმის ეროვნულმა ადმინისტრაციამ არაბთა გაერთიანებული საამიროებიდან ცნობილ მსახიობს და ინფლუენსერს უმასპინძლა