კორონავირუსთან დაკავშირებით მომზადებული მთავრობის ანგარიში პარლამენტს დღეს გადაეგზავნება

news
ავტ.: news ივნისი 4, 2020 11:57

კორონავირუსთან დაკავშირებით მომზადებული მთავრობის ანგარიში პარლამენტს დღეს გადაეგზავნება

საქართველოს პრემიერ-მინისტრი გიორგი გახარია აცხადებს, რომ კორონავირუსთან დაკავშირებით მომზადებული ანგარიში პარლამენტს წერილობითაც წარედგინება.

როგორც გიორგი გახარიამ აღნიშნა, წერილობითი ანგარიში მომზადებულია, დღეს გაეგზავნება პარლამენტს და აიტვირთება მთავრობის ვებგვერდზე.

„ჩვენ განვაცხადეთ პარლამენტში ანგარიშის დროს, რომ წერილობით ანგარიშსაც წარვადგენდით „კოვიდ-19“-თან მთავრობის მიერ გადადგმული კონკრეტული ნაბიჯების შესახებ. მოგეხსენებათ, ეს ღონისძიებები დაიწყო იანვრიდან და დასრულდა 22 მაისს. ჩვენ ზუსტად ამ პერიოდის სრული ანგარიში წერილობით მომზადებული გვაქვს, ეს გაეგზავნება დღეს პარლამენტსაც და აიტვირთება მთავრობის შესაბამის ვებგვერდებზე. მივიჩნევთ, რომ ეს არის პასუხისმგებლიანი მთავრობის ნაბიჯი, რომელიც თავის მოქალაქეებს და ყველა დაინტერესებულ პირს უხსნის, ამ საგანგებო მდგომარეობის პირობებში, რა მოტივით, რა სქემით, რა სტრუქტურით იყო მიღებული გადაწყვეტილებები, რა იყო ამ გადაწყვეტილებების მოტივაცია და მიზანი. ეს ყველაფერი არის დეტალურ დონეზე ახსნილი და გაშიფრული ამ ანგარიშში. ასევე, ამ ანგარიშში პირდაპირ მოტანილია ის მიზეზშედეგობრივი კავშირები, რის გამოც მოგვიწია ასეთი მძიმე შეზღუდვების დაწესება მოქალაქეებისთვის და ბევრი სხვა დეტალი. ფაქტობრივად, აქ არის თითოეული უწყებისა და მთავრობის სრულად გადადგმული ნაბიჯების ანალიზი, მისი ახსნა და მიზეზშედეგობრივი კავშირი ეპიდემიოლოგიურ მდგომარეობასთან და ეკონომიკის შემდგომ განვითარებასთან“, – განაცხადა გიორგი გახარიამ.

news
ავტ.: news ივნისი 4, 2020 11:57

Google სტატისტიკა


7,467
ვიზიტორი
დღეში
Powered By Google Analytics